Македонски автобус излетал од автопат во Србија

Српските медиуми јавуваат дека автобус со македонски регистарски таблички синоќа целосно излетал од автопатот кај местото Добановци, од правец на градот.

Засега не е позната состојбата на патниците и возачот на автобусот. Се наведува дека возач на друг автобус застанал со цел да помогне.

Несреќата се случува во услови на отежнат сообраќај низ Србија, каде што од вчера речиси целата земја е зафатена од снежни врнежи. Јавното претпријатие „Патишта на Србија“, врз основа на извештајот на Штабот за зимска служба, соопшти дека на голем број делници од најфреквентните патни правци, од прв, втор и трет приоритет за одржување, има снег со дебелина до пет сантиметри, а коловозите се влажни и лизгави.

Share on Facebook

Tweet

Follow us

Save