Македонски државјанин уапсен во Хрватска: Без возачка дозвола предизвикал сообраќајка, се превртел и удрил во карпа

Две лица се полесно повредени во сообраќајната несреќа што се случи вчера околу 16 часот и 40 минути на подрачјето на Лабин. Несреќата се случила кога 32-годишен македонски државјанин управувал автомобил со пулски регистарски таблици, без возачка дозвола, од правец Лабина кон Раша, пренесува „Глас Истра“.

Поради непрописна брзина, возачот преминал на спротивната страна од коловозот, каде директно се судрил со камион со пулски регистарски број, кој од спротивната насока го управувал 45-годишен маж. Од силината на ударот автомобилот се превртел и удри во карпите. Во незгодата полесно се повредени двајцата возачи. Граѓанин на Северна Македонија е уапсен и денеска ќе биде предаден на надлежниот Суд поради прекршоци од Законот за безбедност на сообраќајот на патиштата.

Share on Facebook

Tweet

Follow us

Save