Макрон бара Киев да добие дозвола да напаѓа воени објекти во Русија
![t](https://infomax.mk/wp-content/uploads/2022/10/zelenski-makron.webp)
Францускиот претседател Емануел Макрон се заложи Киев да добие дозвола да изврши напади врз воени објекти на територијата на Русија од каде што руските сили ја гаѓаат украинската армија.
Испораките во Киев на оружје со долг дострел, способно да ги уништи руските воени објекти, не претставуваат ескалација на конфликтот, додаде тој на прес-конференција со германскиот канцелар Олаф Шолц.
„Не сакаме ескалација во Украина… Но, како можеме да и доставуваме оружје на Украина и да кажеме – не можете да го користите за заштита? На Украина треба да и се дозволи да уништи воени објекти на територијата на Русија од каде што руските сили пукаат ова не е ескалација“, рече тој Макрон.
Францускиот претседател одби да ги коментира изјавите за француските инструктори во Украина. Како што наведе, за ова прашање ќе разговара со украинските власти следната недела.
Претходно денеска високиот претставник на ЕУ Жозеп Борел изјави дека нападите на Украина на руска територија со западно оружје се „легитимни според меѓународното право“ доколку се „пропорционално извршени“, иако засега голем број членки на Европската унија не се согласуваат со ова.
Тој посочи дека „само една или две земји од ЕУ се подготвени да ги укинат тие ограничувања, додека останатите во моментов размислуваат за тоа“.
Исто така, Борељ нагласи дека никој не може да натера ниту една земја од ЕУ да донесе таква одлука и дека секоја земја самостојно одлучува за тоа.
САД, како и досега, се против Украина да користи американско оружје за напади на руска територија, без оглед на поканата на генералниот секретар на НАТО, соопшти Стејт департментот.
ПОВРЗАНИ ВЕСТИ
„Њујорк Тајмс“: Иран бара од Русија напредни…
Иранската влада побарала од Русија напредни радари…
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
Сијарто: Прекинот на транзит на нафта од…
Министерот за надворешни работи и надворешни економски…
Русија ќе обезбеди поддршка за Северна Кореја…
Рускиот претседател Владимир Путин денеска му порача…