Манекен (29) кој возел со 1,75 промили алкохол во крвта ја прегази младата мајка (24) во Хрватска

Човекот кој во пијана состојба во саботата предизвика сообраќајна несреќа на хрватскиот остров Вир во која загина млада мајка (24) е Иван Бакиќ, 29-годишен модел од Задар.

Тој денеска е донесен на распит во просториите на Жупаниското државно правобранителство во Задар.

Обвинителството ќе го испитува за предизвикување сообраќајна несреќа со смртни последици. Нему му се заканува затворска казна од 3 до 15 години.

Измерени му биле 1,75 промили алкохол во крвта и уапсен е по несреќата во која животот го загуби млада мајка (24), додека таткото и трите деца се тешко повредени. Најтешка е ситуацијата со 3-годишното момче.

– Сите членови на семејството на жртвата ја поминаа ноќта добро, стабилно, нема влошување, што е најважно – изјави д-р. Недељко Јовиќ од задарската болница.

– Тригодишното момче се уште се бори за живот, засега нема никакви компликации, но неговата состојба е се уште тешка и неизвесна – вели Јовиќ.

Во објавите на социјалните мрежи од 2015 година може да се забележи дека Бакиќ бил модел и на Армани и дека неговите фотографии биле објавени во јапонското издание на магазинот „GQ“.

Во истите изданија се наведува дека негова агенција била Major Model Management од Милано, пишуваат хрватските медиуми.

Share on Facebook

Tweet

Follow us

Save