INFOMAX.MK

Најмалку едно лице почина, десет се хоспитализирани, а 49 се разболе поради труење со ешерихија коли во франшизите на Мекдоналдс во десет американски држави.

Официјални лица од американскиот Центар за контрола на болести и здравје (ЦДЦ) тврдат дека сите случаи се поврзани со хамбургери Quarter Pounder од светски познатиот синџир за брза храна Мекдоналдс.

Во Колорадо почина едно постаро лице, а меѓу хоспитализираните е и едно дете. Инфекции беа пријавени помеѓу 27 септември и 11 октомври во Колорадо, Ајова, Канзас, Мисури, Монтана, Небраска, Орегон, Јута, Висконсин и Вајоминг“, се вели во соопштението на ЦДЦ.

Најмногу случаи на труење се забележани во Колорадо – 26, пишува CNN.

„Сите граѓани кои беа интервјуирани сведочеа дека јаделе во Мекдоналдс, а повеќето од нив консумирале хамбургери од четвртина фунта“, се наведува во својот извештај ЦДЦ.

Американското Министерство за земјоделство (УСДА), Управата за храна и лекови (ФДА) и државните здравствени власти го истражуваат труењето. Иако специфична состојка сè уште не е идентификувана како причина, се верува дека труењето е предизвикано од говедско месо и кромид.

Мекдоналдс: „Кромидот од добавувачот веројатно го предизвикал труењето“

Претставниците на Мекдоналдс велат дека некои случаи на болест се поврзани со кромидот којшто го обезбедува еден од добавувачите.

Компанијата ја прекина дистрибуцијата на кромидот и привремено ја повлече контроверзната плескавица од менито во државите со пријавени случаи, како и делови од Ајдахо, Невада, Ново Мексико и Оклахома.