Медведев: Одговорот на Москва на ударите од Киев врз Русија ќе биде брз, тежок и убедлив

Одговорот на Москва на можните удари на Киев врз Крим или кој било друг руски регион длабоко во земјата ќе биде брз, тежок и убедлив, изјави заменик-претседателот на Советот за безбедност на Русија, Дмитриј Медведев.

Медведев, во интервју за Надана Фридрихсон, објавено на нејзиниот профил на Телеграм, објасни дека Русија не си поставува никакви ограничувања и дека, во зависност од природата на заканите, може да користи секаков вид оружје, во согласност со доктринарните документи, вклучувајќи ги, како што е наведено, „Основните принципи на нуклеарното одвраќање“.

Според руската нуклеарна доктрина, Русија може да користи нуклеарно оружје доколку се користи нуклеарно или друго оружје за масовно уништување против Русија или нејзините сојузници, доколку добие проверени информации за лансирање балистички ракети за напад на Русија или нејзините сојузници, во случај на непријателски удар врз објекти од витално значење за одговор на нуклеарен напад и во случај на конвенционална агресија против Русија, доколку е загрозено самото постоење на државата, според ТАС С.

Share on Facebook

Tweet

Follow us

Save