Меркел доби понуда од Гутереш да работи во Обединетите нации

Генералниот секретар на ОН Антонио Гутереш и понуди на Меркел да биде дел од советодавен тим на високо ниво во светската организација.

ДПА, повикувајќи се на дипломатски извори во ОН, пренесе дека на Меркел и биило понудено претседателство со телото за глобални јавни добра, од што потенцијално би требало да имаат корист сите граѓани на светот.

Понудата генералниот сектреар на ОН ја испратил преку писмо до Меркел.

Меѓутоа, од седиштето на ОН во Њујорк оценуваат дека мали се шансите Меркел да ја прифати понудата. Таа засега не одговорила на повикот, а претставниците на ОН не сакаат да дадат официјална изјава за понудата.

Телото за глобални јавни добра е проект на Гутереш, како дел од реформите на ОН.

Во својот извештај за реформите на ОН минатата година, тој најави дека ќе ги повика поранешните шефови на држави и влади да воспостават глобална листа на јавни добра и други области од заеднички интерес каде што треба да се подобри управувањето.

Share on Facebook

Tweet

Follow us

Save