Милан му направил финта на Њукасл: Знаел за обвинението против Тонали, а сепак го продал!?

Сандро Тонали повеќе нема да заигра фудбал оваа сезона бидејќи суспензија од десет месеци за учество во илегално обложување, а можно е тоа да не биде единствена санкција за Италијанецот.

И во Англија се подготвува обвинение против него бидејќи, наводно се обложувал и додека го носел дресот на Њукасл. Директорот на премиерлигашот Ден Ешворт се сомнева дека во Милан знаеле за обвинението во Италија и за манијата на Тонали и затоа одлучиле да го продадат.

„Што точно знаел Милан во моментот на преговорите? Тешко ми е да зборувам за тоа и влегувам во шпекулации што знаел другиот клуб. Она што можам да го кажам е дека ќе спроведеме интерна истрага“, порача Ешворт.

Тонали беше еден од најдобрите играчи на Милан претходните три сезони и затоа беше изненадување одлуката на раководството да го продаде и покрај тоа што за него доби 64 милиони евра.

Share on Facebook

Tweet

Follow us

Save