Министерство за култура, Собранието или општината, никој не кажува кој е надлежен за споменикот на УЧК во Слупчане – Институциите и денеска си ја префрлаа топката

Изградбата на меморијален споменик е регулирано со закон и одлуката за поставување на споменик ја носи Собранието. Со подигнување на спомен култата во чест на жртвите на ОНА која свечено ќе биде пуштена утре е прекршен законот за меморијални споменици и спомен обележја, велат експерти од областа на заштитата на културното наследство за „Сител“.
Собранието според нив требало да донесе петгодишна програма за прославување на познати личности и настани што не е случај со споменикот изграден во чест на жртвите на ОНА како што е именуван. Во надлежност на локалната власт може да биде поставување на спомен обележје, кое во пракса е нешто помало, симболично и е од локално значење.
Законот е донесен пред околу 20 години но оттогаш до денес ниту еднаш не е испочитувана процедурата за поставување на споменици. Доколку значењето на споменикот е од национално, државно значење и се однесува на важни настани и личности, според уставот, државата е таа која треба да го уреди поставувањето.
Од министерството за култура се оградија.
Во овој случај се постапува според Законот за меморијални споменици и спомен обележја, за што се надлежни Собранието или единиците за локална самоуправа. Министерството за култура во ниту еден сегмент не учествува во подигање на современи споменици и спомен обележја.
Па според ова, анализира телевизијата, се извлекува заклучок дека споменикот во Слупчане е од локално значење иако за откривањето на спомен кулата во висина од околу 20 метри е организиран свечен настан на кој ќе присуствуваат голем број функционери од власта. Овој споменик чини околу 200 000 евра. Датумот 2 мај партијата ДУИ го слави како ден на бранителите а оваа година на истиот ден се празнува и Рамазан Бајрам.
ПОВРЗАНИ ВЕСТИ
Ахмети на кафе со генерали од УЧК
Лидерите од Европскиот фронт Али Ахмети и Зијадин Села по вчерашниот…
Просветен инспекторат ќе истражува одговорност за приредбата…
Министерката за образование и наука, Весна Јаневска…
Косовската опозиција побара од Гаши да запре…
Претседателот на Демократската партија на Косово, Мемљи…
Никој во Македонија не е против албанскиот…
Премиерот Христијан Мицкоски синоќа во интервју за…
Браво, не како до сега… Мицкоски: Поранешните…
Претседателот на Владата на Република Македонија, Христијан…