INFOMAX.MK

Митовски во емисијата „Заспиј ако можеш“ истакна дека правниот систем во Македонија е на ниво како во некои африкански земји. Уредникот на Инфомакс исто така посочи дека одличен пример за тоа е случајот со Орце Камчев, кој, како што истакна Митовски, кога дошол поранешниот Еврокомесар за борба против дискриминација и религиозни слободи Јан Фигел, Камчев бил држен во многу помала ќелија од стандардите без никаква вода.

„Ни дојде висок поранешен Еврокомесар на Европска Унија, Јан Фигел. Тој беше комесар за борба против дискриминација и религиозни слободи. Тој беше тука и ја спореди нашата земја во интервју за мене, со земји како Судан, Мароко итн“. – истакна Митовски.

„Правниот систем на Македонија го спореди со тие земји, со тоа што сметаше дека Македонија е полоша можеби во некои аспекти од овие земји, особено што тука беше дојден да ја констатира состојбата во која што Орце Камчев се држи во притвор, каде што во тој период кога дојде Фигел, Камчев беше држен во ќелија која што е помала од стандардизираните ќелии, се работи за ќелија од 1,75 м. на 1,75 м, без вода за пиење, ниту санитарна вода, ниту провев… значи беше чуван во таква ќелија и од тој аспект Фигел ја рангираше Македонија на ниво од овие африкански земји“ – дополни Митовски.

„Во нормална држава каде што нели владее правото и државата е правна, во таква ситуација, директорот на затворот би требало најмалку да сноси кривична одговорност. Министерот за правда би требало да си даде оставка, а судијата да биде разрешен. Кај нас таа ситуација не се случува, баш напротив. – заклучи Митовски.