Митовски: Не е точно дека се водат дисциплински постапки за 40 вработени – Никој не презема мерки на штета на работниците!

Директорот на ЈП “Водовод и канализација”, Марјанчо Митовски на денешната вонредна прес-конференција нагласи дека не се врши никаков мобинг врз вработените во претпријатието и дека се неточни информациите дека се водат дисциплински постапки за 40 лица.

– Што се однесува до наводните пресметки, распоредувања и откази веднаш сакам да потенцирам дека до овој момент ниту еден редовно вработен во ЈП Водовод и канализација не е избркан од работа.

Точно е дека има хоризонтални поместувања кои не се со решенија кои не се трајни туку се времени задолженија поради редовни потреби на претпријатието. Ниту се скратени платите на овие десетина прераспределни и ниту се намалени бодови за плата или деградирани на било каков начин.

Од нив се бара единствено да работат и да си ги извршуваат своите работни задачи за кои се платени, вели Митовски.

Директорот додава дека дисциплински постапки се водат само за неколку лица за кои било констатирано дека извршиле тешки повреди на работното место.

– Во врска со информациите дека се одат дисциплински постапки против 40 лица сакам да ги смирам вработените и да ја информирам јавноста дека тоа не е точно, постојат неколку дисциплински поради тешки пвреди на работното месо косттаирани од комисијата за ревизија за кои следи постапки по службена должност. Ниту јас ниту бло кој од ова ЈП не преземал мерки против вработените на нивна штета. Јас тука работам 12 години и сум дел од овој колектив и исто како колегите носам исти права. Ги охрабрувам синдикалците максимално да ги искористат своите права на штрајк, максимално да се борат за работниците бидејќи кога јас бев жртва на мобинг, моите права беа прекрени ниту овој ниту било кој дриг синдикат немаа можност да застанат во моја одбрана бидејќи беа заплашувани, уценувани и замолчувани, рече Митовски.

Share on Facebook

Tweet

Follow us

Save