Мицкоски: Владата и владејачката коалиција ќе освојат над 600 илјади гласови

Владата и владејачката коалиција ќе освојат над 600 илјади гласови и ќе бидат апсолутен победник на претстојните избори, изјави премиерот Христијан Мицкоски, одговарајќи на новинарско прашање дали би имало промени во коалицијата доколку резултатот не биде посакуван.

„Очекувам кампањата да биде за проекти, но очигледно има партија која наместо за иднината, отвора теми од минатото и наметнува реторика од пред три децении. На тој начин сакаат да се заборави сета пљачка изминатите децении. “, рече Мицкоски.

Премиерот додаде дека на овие избори граѓаните имаат избор помеѓу два концепти.

„На овие избори, граѓаните ќе избираат помеѓу концепт кој 20 години ја опустошуваше Македонија и визија во која сите заедно ќе ја градиме иднината“, заклучи Мицкоски.

Share on Facebook

Tweet

Follow us

Save