Мицкоски: Ќе се сретнам со Ахмети, не е одреден датум

Премиерот Христијан Мицкоски не посочи кога ќе се одржи средбата меѓу него и лидерот на ДУИ, Али Ахмети, која Ахмети ја најави по лидерската средба. Мицкоски рече дека не е одреден датум за состанокот.

-Во моето редовно политичко функционирање се среќавам со сите лидери на политички партии, па во рамките на тие средби претпоставувам дека ќе се сретнам и со г-динот Ахмети – рече Мицкоски.

Премиерот, исто така, ја обвини опозициската СДСМ за напаѓање на стратешките партнери на Македонија.

-Жалам што опозицијата, по острите и бројни критики кон нашиот стратешки партнер, Обединетото Кралство, сега го прави истото и кон Соединетите Американски Држави – рече Мицкоски, прашан за одлуката на САД во врска со новите критериуми за издавање визи за влез во Соединетите Американски Држави.

Тој, исто така, потврди дека Владата утврдила квота за издавање работни визи за странски државјани во земјата.

-Визи се издадени во сите сектори каде што досега имаше потреба. Нема дополнителни исклучоци. Ова се секторите што се мапирани од страна на Стопанската комора и работодавачите – рече Мицкоски.

Share on Facebook

Tweet

Follow us

Save