Млад насилник дивеел во Гази Баба, мавтал со нож и тепал роднини и соседи

22-годишен жител на скопската населба Гази Баба вчераутро предизвикал вистинска драма – ѝ се заканувал со нож на неговата две години помлада братучетка, по што физички ја нападнал неа, нејзиниот сопруг и неколкумина соседи кои дошле да се обидат да ја смират ситуацијата.

Според МВР:

„На 25.09.2024 во 18 часот во СВР Скопје, 20-годишна жена од Скопје пријавила дека околу 09:30 часот во семејниот дом на подрачјето на Гази Баба, нејзиниот братучед Б.А.(22) ѝ се заканил со остар предмет“.

Од полицијата додаваат дека младиот насилник потоа оштетил дел од покуќнината и се обидел да го нападне сопругот на неговата братучетка, а потоа во дворот од куќата физички ја нападнал неа, како и соседите Ѓ.И.(41), А.Д.(48) и А.М.(63).

МВР презема мерки за целосно расчистување на настанот.

Share on Facebook

Tweet

Follow us

Save