INFOMAX.MK

Првите неколку случаи на „Оропуче треска“ (вирус ОРОВ) се пријавени во Европа откако две лица починаа од оваа болест во Бразил, а експертите стравуваат од „незапирливо“ ширење.

Две лица, кои ја посетиле Куба, биле примени во болниците во Италија со симптоми на болеста по нивното враќање, пренесува британски Гардијан.

Една 26-годишна жена развила треска и дијареа по нејзиното патување во кубанската провинција Сиего де Авила, враќајќи се во Верона на 26 мај.

Во меѓувреме, 45-годишен маж почнал да доживува симптоми кратко време по патувањето во Хавана и Сантијаго де Куба, барајќи лекарска помош во Форио, северна Италија, на 7 јуни.

Д-р Дени Алтман, професор по имунологија на Империјал колеџ во Лондон, изрази загриженост.

– Дефинитивно треба да бидеме загрижени. Работите се менуваат и тие можат да станат незапирливи – рече д-р Алтман.

Заканата се надополнува со потенцијалното влијание на глобалното затоплување, што би можело да ја зголеми изложеноста на луѓето на вируси како „Оропуче“. Во тешки случаи, страшната болест може да доведе до невролошки нарушувања како што е менингитисот.

– Арбовирусите, како што се треската Оропуче, Денга, Зика или Чикунгуња, претставуваат една од итните здравствени состојби со кои треба да се навикнеме да живееме заедно. Климатските промени и зголемените движења на човечката популација ризикуваат вирусите кои некогаш биле ограничени на тропскиот појас да станат ендемични дури и на нашите географски широчини – рече д-р Кончета Кастилети кој го води Одделот за вирологија и патогени кои се појавуваат во болницата во близина на Верона.

Бразил ги пријави првите смртни случаи од вирусот ширум светот, а две млади жени и подлегнаа на болеста.

Жртвите, 21 и 24-годишник, страдале од интензивни болки во стомакот, крвавење и хипотензија пред да умрат на 25 јули. Симптомите на Оропуче треската, кои се слични на денга, вклучуваат главоболки, висока температура, болки во мускулите, вкочанети зглобови, гадење, повраќање, треска или фотофобија.

Европа за првпат е погодена од вирусна треска ОРОВ, а смртните случаи во Бразил ги зголемија стравувањата кај експертите за „незапирлива епидемија“.