INFOMAX.MK

Хрватскиот интернационалец, Лука Модриж (38), испиша историја по победата на Реал Мадрид на „Вембли“ против Борусија Дортмунд (2-0) во синоќешното финале од Лигата на шампионите (ЛШ), откако се изедначи со Пако Гент со најмногу трофеи во ова натпреварување – по шест.

Капитенот на Хрватска влезе во игра во 85. минута и дојде до 26. пехар во дресот на Реал, со што стана најтрофеен фудбалер во историјата на „кралевите“. Тој ги „прескокна“ Карим Бензема и Марсело, кои имаат помалку трофеи, додека актуелниот капитен Начо Фернандез е изедначен на првото место со Хрватот. Модриќ стана и најстариот играч кој некогаш играл за Реал во финалето на ЛШ, како и воопшто најстар играч на мадридскиот тим во елитата. Тој го собори овој рекорд во полуфиналето против Баерн, играјќи на 38 години и 234 дена со што го надмина Ференц Пушкаш.

Модриќ по историскиот триумф, Модриќ удри по луѓето кои зборуваат и пишуваат за него во само една конотација.

„Постојано велат ‘неговите години, неговите години, неговите години…’ и повеќе ми се гади од тоа. Се чувствувам многу добро. Нека мислат и кажуваат што сакаат, но физички и психички сè уште сум на највисоко ниво“, изјави хрватскиот репрезентативец.

Модриќ е и фудбалер со најмногу настапи во финалето на Лигата на шампионите откако игра во овој формат – шест, што досега им успеало само на Паоло Малдини и Кристијано Роналдо.

Извор: sport1.mk