Може ли Киев да ги ослободи борците од ,,Азовстал” ?

Украинските разузнавачки служби се во комуникација со заробените борци на фабриката за челик Азовстал, а Киев прави се што може за да обезбеди нивно ослободување, изјави доцна синоќа украинскиот министер за внатрешни работи Денис Монастирски.

„Преку нив (разузнавачките служби) дознаваме за условите на притвор, храната и можноста за нивно ослободување“, изјави Монастирски на украинската телевизија.

„Сите знаеме дека сите ќе бидат тука во Киев и правиме се што е можно за да го обезбедиме тоа“, додаде тој.

Русија во мај објави дека речиси 2.000 Украинци се предале по последната битка во урнатините на Мариупол, каде што со недели издржаа во бункери и тунели под огромната фабрика за челик Азовстал. Киев сака да дојде до своите борци преку размена на затвореници.

Некои високи руски пратеници побараа да им се суди на некои од војниците. Кремљ соопшти дека борците кои се предале ќе бидат третирани во согласност со меѓународните стандарди.

Share on Facebook

Tweet

Follow us

Save