Мојсоска: Пазарните инспектори пропуштиле да извршат надзор, персонална одговорност мора да има!
Од 80 дискотеки, само 22 дискотеки имале лиценци. Од тие 22 дискотеки, половина не ги исполнувале условите за да добијат лиценци, пишува на Фејсбук пратеничката од Левица, Јована Мојсоска.
– Тоа значи дека пазарните инспектори пропуштиле да извршат надзор над дискотеки кои работеле без лиценца; тоа значи дека службеници во МВР издавале согласност без да се исполнува услови за лиценца; тоа значи дека градоначалниците наплатувале надоместок од дискотеки кои не исполнувале услови да бидат дискотеки. Сето ова биле должни да го знаат.
Во помали места, каде има одвај 2 до 3 дискотеки, прашање е што воопшто работеле инспекторите, МВР и градоначалниците.
ПЕРСОНАЛНА одговорност мора да има. – вели Мојсоска.
