Муртезани до Тошковски: Занимавај се со секојдневните убиства во Скопје, не со Гаши

Министерот за евроинтеграции Охран Муртезани во емисијата „Дејли клик“ на ТВ 21 упати критики во вид на сугестија до својот колега министер за внатрешни работи Панче Тошковски.

Зборувајќи за скандалот на Гаши, Муртезани упати неколку барања до Тошковски и му нареди да не се занимава со случајот на Блаце, туку да се занимава со убиствата што секојдневно се случуваат во главниот град.

„Јас го разбирам и министерот за внатрешни работи кој веројатно сака да даде порака дека никој не е над законот, но ние во Скопје секојдневно имаме убиства и мислам дека главниот фокус на МВР треба да биде на борбата против секојдневниот криминал од кој ги загрозува животите на граѓаните“, рече Муртезани

Муртезани објавувањето на видеото каде се прикажуваат службените автомобили на Гаши кои одат на свадба во Косово, го опиша како медиумска сензација.

„Сензација во медиумите е дека во основа нема прекршување“, изјави Муртезани.

Share on Facebook

Tweet

Follow us

Save