Назначена нова претседателка на Европскиот парламент на местото на пoчинатиот Сасоли
![t](https://infomax.mk/wp-content/uploads/2022/01/mecola.jpg)
Новата претседателка на Европскиот парламент е Малтежанката Роберта Мецола, која победи во првиот круг од изборите со 458 гласови.
„Давид Сасоли беше борец, тој се бореше за Европа, за нас, за овој парламент“, рече Мецола на почетокот на својот победнички говор, додавајќи дека ќе продолжи да оди по тој пат.
Таа им порача на европратениците дека Европскиот парламент мора да ги напушти Стразбур и Брисел и да се доближи до сите европски градови, да ја поддржи Конференцијата за иднината на Европа и да обезбеди успех на овој демократски проект. „Треба особено да ги слушаме младите“, рече Мецола, бидејќи 2022 година е европска година на младите.
Таа повика на заедничка борба против климатските промени.
„Треба да му покажеме на остатокот од светот дека борбата против климатските промени е нашата заедничка судбина“, рече новата претседателка на ЕП, додавајќи дека е можно истовремено да се зачува животната средина и да се зајакне економијата.
Мецола е третата жена што го води ЕП по Симона Веил (1979-1982) и Никол Фонтен (1999-2002). Таа е во Европскиот парламент од 2013 година, а во 2004 година како студент ја водеше кампањата за прием на Малта во ЕУ. Во трката за претседател на ЕП, Швеѓанката Алис Кунке освои 101 глас, а Шпанката Сира Рего од Клубот на левицата освои 57 гласа од 705 пратеници во Европскиот парламент.
Италијанскиот социјалист Сасоли, претходникот на Мецола на чело на парламентот, почина на 11-ти јануари во болницата во Авијано, каде што бил хоспитализиран од 26-ти декември „поради тешки компликации од дисфункција на имунолошкиот систем“.
ПОВРЗАНИ ВЕСТИ
Погреб на демократијата во Албанија: Усвоена новата…
Албанскиот парламент по маратонска расправа, доцна синоќа,…
(Видео) ТЕНЗИИ ВО АЛБАНСКИОТ ПАРЛАМЕНТ: Запалени се…
Тензично во и надвор од албанскиот парламент,…
Стерјовски: Како Македонци бараме загарантирано место во…
Лидерот на единствената македонска партија, Македонска алијанса…
Речиси 8.000 мигранти илегално влегле во Словенија…
Предлогот за формирање нови центри за азил…
(Видео) Израел го демолираше парламентот во Газа…
Израелските војници во средата ја уништија зградата…