Наскоро средба Путин-Ердоган: Турскиот претседател патува во Русија на 8 септември

Турскиот претседател Реџеп Таип Ердоган може да ја посети Русија на 8 септември, пишува Блумберг, повикувајќи се на упатени турски претставници.
„Ердоган може да пристигне во Русија на 8 септември, пред да отпатува за Индија на самитот на Г-20“, соопшти агенцијата.

Блумберг пренесува дека од кабинетот на претседателот на Турција не ја коментираат оваа информација.
Претходно, прес-секретарот на претседателот на Руската Федерација, Дмитриј Песков, зборувајќи за средбата меѓу рускиот претседател Владимир Путин и турскиот претседател Реџеп Таип Ердоган, рече дека средбата ќе се одржи наскоро.
Како што се очекуваше, на средбата ќе се разговара за договорот за жито.

Share on Facebook

Tweet

Follow us

Save