Началникот на норвешката армија го повика НАТО да се подготви за руски напад: „Имаме две до три години“
![t](https://infomax.mk/wp-content/uploads/2024/06/norveski-general-NATO-1170x658-1.jpg)
НАТО има само две до три години да се подготви пред Русија да ја врати способноста да изврши конвенционален напад врз алијансата, објави Блумберг, цитирајќи го генералот Еирик Кристоферсен, највисокиот норвешки генерал.
Коментарите на Кристоферсен беа најнови во серијата сè пострашни предупредувања од западните лидери и претставници на одбраната за заканата од Русија и моменталната неподготвеност на Европа за таков напад.
„Во еден момент некој рече дека ќе бидат потребни 10 години (пред Русија повторно да ја воспостави својата офанзивна способност), но мислам дека се вративме на помалку од 10 години поради индустриската база што сега постои во Русија“, рече Кристоферсен.
„Ќе биде потребно извесно време, што сега ни дава прозорец од следните две до три години, да ги обновиме нашите сили, да ги обновиме нашите залихи во исто време кога ја поддржуваме Украина“, додаде тој.
За разлика од нејзините нордиски соседи Шведска и Финска, Норвешка е членка на НАТО од основањето на Алијансата во 1949 година.
Норвешка ги зголеми трошоците за одбрана од почетокот на руската војна во Украина и има за цел да достигне праг од 2% од БДП во 2024 година, со дополнително зголемување од 2,7% од БДП до 2030 година.
Сепак, Кристоферсен смета дека мора да се забрзаат сите тие планови за обновување на залихите на оружје во земјите-членки на НАТО. „Мораме да го направиме тоа за две до три години за да бидеме сигурни дека сме подготвени за се што може да се случи“, предупреди тој.
ПОВРЗАНИ ВЕСТИ
Кулеба ќе ги убедува африканските држави да…
Украинскиот министер за надворешни работи, Дмитро Кулеба, ќе…
Зеленски: Русија минатата недела употребила над 600…
„Руската борбена авијација, со сите средства, мора…
Сијарто: Прекинот на транзит на нафта од…
Министерот за надворешни работи и надворешни економски…
Русија ќе обезбеди поддршка за Северна Кореја…
Рускиот претседател Владимир Путин денеска му порача…
Блумберг: Размена на затвореници меѓу Русија и…
Новинарот на „Волстрит журнал“ Еван Гершкович и…