Најмрачното интервју на Лавров досега: Светот е пред Трета светска термонуклеарна војна!

Во опширното интервју, рускиот министер за надворешни работи Сергеј Лавров рече дека западното оружје испратено во Украина „ќе биде легитимна цел“ за руската војска.

Рускиот министер за надворешни работи Сергеј Лавров изјави во понеделникот дека мировните преговори со Украина ќе продолжат, истовремено предупредувајќи дека постои „реална“ опасност од Трета светска војна.

Говорејќи за руските новински агенции, тој го критикуваше пристапот на Киев кон разговорите, додавајќи: „Добрата волја има свои граници. Но, ако таа не е реципрочна, тоа не му помага на преговарачкиот процес.

„Но, ние продолжуваме да се занимаваме со преговори со тимот делегиран од (украинскиот претседател Володимир) Зеленски и овие контакти ќе продолжат.

Но, Лавров го обвини поранешниот актер Зеленски дека „се преправа“ дека преговара.

„Тој е добар актер“, рече тој.

Но, тој додаде: „Ако внимателно гледате и внимателно читате што вели, ќе најдете илјада противречности“.

Со оглед на сегашните тензии, Лавров рече дека опасноста од Трета светска војна е „реална“.

„Опасноста е сериозна, реална е, не можете да ја потцените“, изјави Лавров за новинската агенција Интерфакс.

За тековниот конфликт во Украина, тој рече дека е уверен дека „ сè ќе заврши со потпишување на договор.

„Но, параметрите на овој договор ќе бидат дефинирани од состојбата на борбите што ќе се случат во моментот кога договорот ќе стане реалност“, додаде тој.

Share on Facebook

Tweet

Follow us

Save