Најстариот американски сенатор го спореди Додик со Караџиќ: „Ќе работам со администрацијата на Трамп за да го спречам“

Чарлс Грасли, најстариот актуелен сенатор на САД и најдолговечниот републиканец во историјата на американскиот Конгрес, синоќа говореше од говорницата на американскиот Сенат.

dobivaj vesti na viber
Во својот говор сенаторот Грасли од сојузната држава Ајова укажа на ситуацијата во Босна и Херцеговина, како и на активностите на Милорад Додик, наведувајќи дека „ќе работи со администрацијата на Доналд Трамп за да обезбеди продолжување на притисокот врз Додик и неговите сојузници“ да ги почитуваат мировните договори со кои ставија крај на насилството во 1995 година, пренесува N1.ba.

На почетокот на својот говор, еден од најистакнатите републиканци потсети на геноцидот во Босна и Херцеговина и изјави дека тоа се случило „поради луѓе како Додик“, а неговиот претходник Радован Караџиќ отслужува доживотна казна затвор за воени злосторства и геноцид.

Во својот говор тој потсети и на мировните договори со кои беше ставен крај на тој геноцид.

„Со години лидерите на српскиот ентитет на чело со Додик се закануваат со отцепување. Запомнете дека во 90-тите имаше војна и геноцид поради луѓето како Милорад Додик кои се однесуваа како сега. Неговиот претходник Караџиќ отслужува доживотна затворска казна за воени злосторства, злосторства против човештвото и геноцид. Многу Босанци кои настрадаа од тоа страшно етничко насилство кое не смее да се повтори, изјави сенаторот, пренесува Вијести.ба.

Тој рече дека босанско-американските граѓани во Ајова, неговите избирачи, се длабоко загрижени. Тој ги поддржа ставовите на државниот секретар Марко Рубио. Грасли додава дека САД внимателно следат кој го поддржува етничкиот сепаратизам во Босна и во регионот и дека тоа „нема да заврши добро“ за нив.

Тој потсети дека Додик е осуден за неуставни дејствија со отфрлање на авторитетот на босанските државни институции.

„Националното собрание на РС усвои закони со кои се забранува работата на државните институции. Ова е многу загрижувачко. САД презедоа акции преку Рубио, покажувајќи дека тоа е приоритет на администрацијата на Трамп. Многу внимателно ја следам ситуацијата. САД набљудуваат кој ја поддржува стабилноста и кој спроведува етнички сепаратизам и потенцијален геноцид што може да се повтори. Запомнете дека не заврши добро за нив. Ќе работам со администрацијата на Трамп за да се осигурам дека ќе продолжам да вршам притисок врз г-дин Додик и неговите сојузници да престанат и да ги почитуваат мировните договори кои ставија крај на насилството во 1995 година“, заклучи тој.

Share on Facebook

Tweet

Follow us

Save