На ГП Богородица запленети 262.750 долари, 155.760 евра и 12 килограми злато и златен накит со проценета вредност од околу 600.000 евра
Инспектори од мобилните тимови на Царинската управа вчера на ГП Богородица при контрола на автобус открија и запленија 262.750 долари, 155.760 евра и 12 килограми злато и златен накит со проценета вредност од околу 600.000 евра.
Поради постоење сомнеж, автобусот со турски регистарски ознаки управуван од македонски државјанин, кој се движел на редовна линија Скопје – Истанбул (Турција) при излез од земјава бил упатен на детална контрола на царинскиот терминал на ГП Богородица. При прегледот е откриен специјално изработен бункер во кој се пронајдени разновиден златен накит и златни плочки со неправилна форма, како и голема количина на девизи.
Стоката со вредност од вкупно околу еден милион евра и автобусот се привремено задржани и предадени на Одделението за истраги во Царинската управа за понатамошна истрага.
Со поднесување на соодветни пријави, случајот ќе биде предаден на надлежното Основно јавно обвинителство.
ПОВРЗАНИ ВЕСТИ
Царина заплени 30 илјади евра на ГП…
Царинските службеници од граничниот премин Богородица спречија…
Запленети се 7.800 евра кои македонски државјанин…
Инспектори од Служба за мобилни скенери спречија…
На Табановце и Богородица за влез и…
Сообраќајот на државните патишта се одвива непречено,…
Московската берза го запира тргувањето со американски…
Од 13 јуни Московската берза престанува да…
На ГП Богородица запленет златен накит во…
Над еден килограм златен накит во вредност…