НА ДЕНЕШЕН ДЕН: Во 1943 г. е одржан Првиот свештенички собир на кој е откажана секаква јурисдикција на туѓите цркви врз Македонската
На денешен ден, 21 октомври 1943 година во селото Издеглавје, Охридско, бил одржан Првиот свештенички собир на слободната територија на Дебарца.
Триесетте народни свештеници, изразувајќи ги стремежите и определбите на православното свештенство и на верниците од цела Македонија, донесле мошне значајни одлуки.
Свештениците и македонските христијани биле повикани да се вклучат во Народноослободителното движење и со сите сили и средства да ја помагаат народната војска. Според одлуките на собирот, откажана била секаква јурисдикција на туѓите цркви врз Црквата на Македонија, а во црковната администрација бил воведен македонскиот јазик.
Притоа свештениците се ставиле на располагање на народната власт. Потоа била формирана првата организирана црковна власт, со архиерејско намесништво, а за прв намесник бил поставен заслужниот деец и учесник во НОВ, прота-ставрофор Антим Поповски.
По повод одржувањето на Првиот свештенички собир, во Издеглавје, на 20 октомври 1983 година била откриена спомен-плоча, на куќата каде се одржал собирот.
(Подготви: Д.Г.)
ПОВРЗАНИ ВЕСТИ
Бугарите најнесреќни меѓу граѓаните во ЕУ
Граѓаните на ЕУ генерално се задоволни од…
НА ДЕНЕШЕН ДЕН: Во 1943 г. е…
На денешен ден, 21 октомври 1943 година…
Кремљ се огласи во врска со разговорот…
Рускиот претседател Владимир Путин телефонски разговарал со…
РУСИТЕ НАПРЕДУВААТ ВО ДОНБАС: Најопасна фаза од…
Руските сили водат улични битки со украинските…
ТФТ не се шегува, оствари уште една…
Екипата на ТФТ останува со максимален ефект…