На концерт на Теа Таировиќ: Тешко повредени со нож тројца млади битолчани

Синоќа по концертот на српската турбо фолк пејачка Теа Таировиќ, што се одржа на отвореното Ракометно игралиште во Битола се случил немил крвав настан.

Според извори на СВР Битола полициски службеници ги лишиле од слобода С.Б.(19), Д.Ј.(18) и Б.А.(18), сите од Битола, а на службен разговор во полициската станица се повикуваат и други лица поради сомнение за инволвираност во физичка пресметка која е пријавена околу 00.47 часот.

Според пријавеното, на Ракометното игралиште во Битола дошло до меѓусебна физичка пресметка помеѓу две групи, главно малолетници, во која бил употребен и остар предмет, а две малолетни лица и еден 19-годишник со повреди се пренесени во Клиничка болница Битола за укажување на лекарска помош. Се преземаат мерки за целосно расчистување на случајот, стои во соопштението на МВР. Инаку, според информации на “Слободен печат” две од повредените лица, од кои едното е во сериозна критична состојба, се транспортирани во Скопје на Скопските клиники.

Share on Facebook

Tweet

Follow us

Save