На новиот лидер на Алтернатива по македонската химна, сега му пречат и македонските банкноти

На новиот лидер на Алтернатива, Зеќирија Ибрахими, му пречат банкнотите кои според него не се соодветни за секуларна држава.

Во објава на Фејсбук Ибрахими вели дека „вас не ви е до секуларната држава, туку до државата која се осудува за геноцид“ како коментар на вчерашните случувања во Собранието каде претседателот на Собранието дозволи молитва за загинатите во Сребреница, во просториите на Собранието. Осуда за ваквиот настан имаше од сите политички партии, вклучувајќи ја и владејачката ВМРО-ДПМНЕ, но и од СДСМ и Левица.

Инаку новоизбраниот лидер на Алтернатива, Зеќирија Ибрахими, е пратеникот кој на 27 април ја пееше албанската химна во Собранието на Република Македонија. Алтернатива е дел од владејачката коалиција заедно со ВМРО-ДПМНЕ и ЗНАМ, а останува да видиме како коалиционите партнери ќе реагираат на оваа објава на Ибрахими.

Share on Facebook

Tweet

Follow us

Save