НЕВРЕМЕТО ОСТАВИ ПУСТОШ ВО ОХРИД: Пријавени големи штети, граѓаните да ги пријавуваат до 30 месецов

Регионалниот ЦУК Охрид, известува дека како последица од невремето на територијата на град Охрид и Општина Дебарца се пријавени повеќе штети и поплавувања на станбени, деловни објекти, подрумски простории, штета на кровни конструкции, соларни панели како и земјоделски насади. Екипите со вработени од јавните претпијатија се постојано на терен со цела механизација со која се располага. Колекторот е ставен во функција, а се чистат и сливниците каде што што има проблем со фекална и атмосферска канализација. Во моментот нема врнежи од дожд и град, водата од улиците е повлечена и до крајот на денот целиот град се очекува да биде исчистен.

Општина Охрид, заради големиот број штети, а да се интервенира според приоритетите и денеска да се испумпа водата од објектите и куќите за да се помогне на најзагрозените, информира дека жителите на Општина Охрид настанатите штети од невремето може да ги пријават до 30.06.2023 година (петок).

Share on Facebook

Tweet

Follow us

Save