Немања Гојковиќ за посилен РК Вардар

На две недели пред продолжението од сезоната во македонското првенство, Вардар се засили со српскиот интернационалец Немања Гојковиќ.

Искусниот центар доаѓа од Израел, односно од тимот на Бнеи Херцлија каде настапувал претходните три сезони, а претходно играл за Металопластика, Слога Пожега, Ашерслебен во Германија, Пролетер Зрењанин и Младост Чачак. На 31 години го направи својот трансфер на кариерата и ќе игра во поранешниот европски шампион.

„Голема чест и обврска е да се настапува за Вардар, за клуб со таква традиција и успеси. Воопшто не се двоеумев кога стигна поканата да дојдам тука. Убеден сум дека ќе му помогнам на клубот во неговите намери да освојува трофеи, а тоа е и мојата цел, и задача со доаѓањето во Скопје. Верувам дека заедно ќе успееме во нашите задачи“, изјави Гојковиќ на промоцијата.

Своето деби на официјален натпревар, Србинот ќе го има во големото дерби против Пелистер што е на програмата на 11 февруари во Битола.

Share on Facebook

Tweet

Follow us

Save