Не е вистина дека лажеме, велат од ИРЛ!

Невладината организација Истражувачка репортерска лабораторија, ИРЛ – на која главен и одговорен уредник е Сашка Цветковска и официјално се виновни за сторена клевета против нашиот клиент правното лице „Б Инженеринг“, се вели во соопштението од адвокатка Бенита Белешкова.

– Основниот суд во Скопје донесе пресуда, која ја потврди Апелациониот суд со која ИРЛ, каде што главен и одговорен уредник е Сашка Цветковска се веќе осудени за сторена клевета. Со оваа правосилна пресуда е потврдено дека објавената емисија наречена „Оградена Иднина“ и направена од ИРЛ против П.В. е лажна, невистинита и содржи клеветнички материјали. Формално – ИРЛ, каде што главен и одговорен уредник е Сашка Цветковска се осудени дека клеветат.

Укажуваме дека новинарството е чесна и општествено значајна професија доколку се практикува во духот на вистината, секогаш информирање за две или повеќе засегнати страни. Од друга страна, укажуваме дека кога се злоупотребува новинарската професија и кога се шират невистини, станува збор за непрофесионалност која нанесува штета на граѓаните.

Пренесуваме делови од правосилна пресуда против ИРЛ за клевета:

„Се утврдува граѓанска одговорност за сторена клевета на првотужениот Здружение на граѓани – Истражувачка репортерска лабораторија ИРЛ, затоа што на ден 21.05.2020 преку електронскиот медиум на неговата веб страница објавува видео сторија „Оградена Иднина“ и направил клеветење на правното лице Б Инженеринг од Крива Паланка. Судот, исто така утврдил дека ИРЛ каде главен и одговорен уредник е Сашка Цветковска во нивните текстуални објави на ден 31.05.2020 година на нивната веб страница објавуваат изјава која содржи невистинити факти и претставува клевета во однос на правното лице „Б Инженеринг.“

Како адвокатска канцеларија секогаш и во секоја прилика ќе го поддржуваме професионалното новинарство, но очекуваме дека секогаш и во секоја прилика и судот на истиот начин ќе ги осудува сите клеветнички натписи против граѓани и правни лица“, вели Белешкова.

ИРЛ ги демантира наводите на адвокатката Бенита Белешкова која во име на компанијата „Белешков Инженеринг“ од Крива Паланка и сопственикот Предраг Велиновски, во кои тие тврдат дека емисијата на ИРЛ „Оградена иднина“ била лажна и невистинита.

Судот ги прифати фактите и аргументите на ИРЛ дека тендерот бил спорен, а политичките врски на тужителот му овозможувале да се смислуваат тендери во проекти во кои што тој градел лускузни огради во училишта без тоалети. Судот одби 9 од 10 основи на тужбеното барање, додека единствената грешка којашто ја најде кај ИРЛ е замерка за техничкиот карактер на набавката којашто со ништо не ја промени суштината на аферата во којашто беше вмешана фирмата „Белешков Инженеринг“.

ЛИНК од демантот на ИРЛ