Не е ова Македонија – Вучиќ: Кој ѝ дал право на Хрватска да кажува од каде Србија да купи нафта?

Српскиот претседател Александар Вучиќ зборуваше во живо од Прага, каде што учествува на Самитот на иницијатива за формирање европска политичка заедница.

Вучиќ зборуваше за најважните теми за кои се разговараше во Прага.

Вучиќ рече дека разговарал со претставниците на Норвешка, врз основа на чии совети креира енергетска стратегија.

„Таму се слушнаа многу добри работи, по кој пат ќе тргне Европа. Изградба на поврзувачки преносни системи, нови интерконектори, гасоводи, нафтоводи, за да може да се користи енергија од целиот свет. Во сабота ќе разговараме повеќе за нови инвестиции.Им се заблагодарив на Европејците за поддршката за изградбата на интерконекторот со Бугарија“, рече тој.

Вучиќ рече дека наскоро го очекува претседателот на Азербејџан Илхам Алиев во Белград за да обезбеди нови извори на гас.

„Од Русите купувавме нафта по добри цени. Сакавме да продолжиме, но не успеавме да се договориме. Исто така, сакам да им објаснам на луѓето што се случи со нафтата. Вчера, на тој состанок, кога сè требаше да биде договорено, на иницијатива на Хрватска, а поддржана од две земји, една балтичка и една недалеку од балтичките земји, ја тргна таа тема од дневниот ред. Хрватскиот премиер излезе со теза дека не е фер што Србија има таква цена на нафтата.. Па чекајте, ја казнувате Русија или Србија?“, праша Вучиќ.

Share on Facebook

Tweet

Follow us

Save