Не се шегуваат: Реал Мадрид нуди милијарда евра за Мбапе!

Веднаш по завршувањето на Светското првенство и блескавиот настап на најдобриот стрелец Килијан Мбапе, се вратија и шпекулациите за неговата иднина. 

Реал Мадрид долго чека шанса да го доведе Французинот во своите редови, беше близу до тоа, меѓутоа ПСЖ успеа со вртоглава сума да ја задржи првата ѕвезда. Сепак, сега „Газета делло Спорт“ пишува дека Реал е спремен да ја пробие границата од неверојатни милион евра! 

Според најавите, „кралевите“ би потрошиле сума од неверојатни 630 милиони евра за четиригодишен договор, за плата и бонуси кои треба дополнително да растат. Покрај тоа, подготвени се да му дадат на ПСЖ барем 150 милиони, сума која досега неколку пати беше одбиена. 

Мбапе беше еден од најдобрите играчи на Светското првенство, јасно е дека парижани не сакаат да го загубат, меѓутоа веројатно во иднина ќе се прашува фудбалерот. Самиот Мбапе е незадоволен во ПСЖ од фактот дека игра во Лига 1, како и тоа дека не успева да се бори за трофејот во Лигата на шампионите. 

Извор: Гол.мк