Новиот светски шампион во шах пред три години беше член на ШК Прилеп
Индискиот шахист, Домарају Гукеш, кој вчера испиша историја откако стана најмладиот светски шампион во историјата, пред три години беше член на македонскиот клуб ШК Прилеп.
Тогаш 15-годишниот индиски велемајстор имаше блескав настап на Европскиот шаховски клупски куп во Струга и беше најдобар меѓу сите 277 шахисти од 38 клуба, од 37 држави. Ги одигра сите 7 партии, сите на првата табла, без пораз, со три реми и четири победи. Ремизира со рускиот велемајстор Петер Свидлер, францускиот велемајстор Матиј Корнет и германскиот велемајстор Александер Донченко, а ги совлада: австрискиот интермајстор Петер Шрајнер, норвешкиот велемајстор Јохан Себастијан Кристијансен, српскиот велемајстор Александар Инѓиќ и романскиот велемајстор Владислав Новедничи. Во сенка на Гукеш уште тогаш останаа многу фаворити, познати велемајстори, како Азербејџанците Рауф Мамедов и Шахријар Мамеѓаров, Германецот Александер Донченко, Русинот Александер Гришчук, Украинецот Антон Коробов…
Гукеш вчера направи досега невиден подвиг бидејќи со само 18 години дојде до светската шаховска титула. Колку овој успех е голем говори фактот дека претходно рекордот за најмлад освојувач го држеше Каспаров кој се закити со титулата на 22 години.
ПОВРЗАНИ ВЕСТИ
Македонски музичари ќе нè забавуваат на Плоштад…
На новогодишната ноќ, на плоштадот „Македонија“ во…
ДПИ: Цените на производите од „новогодишната кошница“…
Од мониторингот кај трговците на мало (маркетите)…
(Видео) Битиќи до Кочоска: Компаниите ги оставивте…
Пратеникот на СДСМ, Фатмир Битиќи, на денешната…
Снегот предизвика проблеми во Бугарија, Боровец остана…
Снежното невреме во Бугарија предизвика проблеми во…
Финансиска полиција спроведува акција за апсење на…
Директорот на Управата за финансиска полиција, Слободан…