Нови информации за состојбата на Папата Франциско – останува во болница

Папата Франциско има респираторна инфекција и ќе мора да помине „неколку дена“ во болница во Рим, соопшти Ватикан.

Папата има потешкотии со дишењето во последните денови, но нема ковид, се додава во соопштението, а пренесува Би-би-си.

Во соопштението се вели дека инфекцијата „ќе бара неколкудневна соодветна болничка медицинска терапија“.

„Папата Франциско е трогнат од бројните добиени пораки и изразува благодарност за блискоста и молитвите“, се додава во напишаното.

Во средата наутро тој претседаваше со својата неделна општа аудиенција на плоштадот Свети Петар. Иако изгледаше дека е добро расположен, беше виден како прави гримаса додека му помагаа да влезе во возилото, пренесува AFP.

Share on Facebook

Tweet

Follow us

Save