Ново Елдорадо е во соседството: Златната жица кај Нови Пазар „тежи“ 150 тони и вреди 11 милијарди долари

Неодамна пронајдената „златна жица“ на Рогозна кај Нови Пазар во Србија, според истражувањата е едно од најзначајните наоѓалишта на племенитиот метал на Балканот. Српските медиуми ја цитираат Златна Река Рисорсис, компанија која врши истражувања во оваа област, која проценува дека на локацијата крај Рогозна има нешто повеќе од 150 тони злато.

Со оглед дека цената на златото на светските берзи долго време е на историски највисоко ниво и дека глобалната криза, војните и инфлацијата предизвикаа драстичен раст на побарувачката, ова наоѓалиште упте повеќе добива на значај. Во последните 11 години цената на златото е зголемена за 145 отсто, а само во последната година за 24 отсто.

Се проценува дека вкупното преостанато количество злато откриено на планетава досега изнесува само околу 57.000 тони, па се проценува дека тоа количество ќе може да се исцрпи во следните 15 години, бидејќи околу 3.000 тони од оваа метал се произведуваат годишно.

Компанијата која истражува злато во соседна Србија, крај Нови Пазар најверојатно ќе може да го истражува овој простор до 2026 година, а доколку резултатите од геолошките истражувања бидат позитивни, а се исполнат сите пропишани услови според Министерството, „Златна река“ може да поднесе барање за дозвола за експлоатација до Министерството за рударство и енергетика, најрано во средината на 2030 година.

КОЛКУ ВРЕДИ ЗЛАТОТО КРАЈ РОГОЗНА

Се поставува прашањето, колку вреди златото во Рогожза, односно дали државата може да има корист од тоа, дали е одржлив ваков рудник и какво ќе биде годишното производство на злато?

Доколку количината на злато што се проценува дека постои во Рогозна се помножи со сегашната цена на златото на берзата од околу 73.000 евра за килограм, би се добила цифра од околу 11 милијарди евра.

Љуба Јакиќ, експерт за инвестициско злато од компанијата „Инсигнитус голд“, во интервју за Нова економија вели дека најважно е колку навистина вредно злато има во рудата што е пронајдена на Рогозна.

„Клучното прашање е чистотата на златото. Најважен е приносот на рудата, односно колку злато може да се извади од еден тон руда и каква е нејзината чистота“, рече Јакиќ.

Според него, кога од еден тон руда се вади бакар, алуминиум, цинк и слично, дури тогаш може да се зборува за вистинската количина на злато, но и да се процени колку карати има, од нула до 24.

Кинеската компанија Зиџин Мајнинг (Zijin mining) има рудник за злато во Бор, познат како Чукару Пеки. Пред две години (во 2022 година), според специјализираниот портал „Мининг“, таму биле произведени 4,75 тони злато. Во 2023 година компанијата изјави дека до август произвела вкупно 8,9 тони злато и остварила кумулативен приход од продажба во износ од 3,9 милијарди долари.

Србија Zijin Copper е компанија која работи како дел од Zijin Mining Group. Основана е на 18 декември 2018 година, денот кога Зијин и Владата на Србија ги потпишаа финалните документи, односно договорот за стекнување на 63 отсто од сопственоста во РТБ Бор. На овој начин Зијин стана носител на 63 отсто од капиталот на компанијата од Србија.

Во 2022 година, компанијата во соопштение откри дека од отворањето на рудникот и продала 5,74 тони злато на Народната банка на Србија.

Тие исто така додадоа дека, во согласност со српските закони, целата количина на произведено злато мора прво да и се понуди на Народната банка на Србија, а само во случај таа да одбие да го купи по берзанската цена, Жиѓин може да побара извозна дозвола.

Тоа досега не се случило, што значи дека златото произведено во оваа компанија „останува во Србија“.

Share on Facebook

Tweet

Follow us

Save