Нѐ очекува пеколно жешко време, ќе се уриваат рекорди

Земјата ќе биде погодена од Ел Нињо, природен феномен кој носи влажно и дождливо време и поплави во инаку суви области на Јужна Америка и сушен период во областа на Индонезија и води до, според неодамнешните истражувања, затоплување на океаните за два до осум степени Целзиусови.

Националната океанска и атмосферска администрација (NOAA), американската научна и регулаторна агенција одговорна за прогнозирање на временските услови и следење на условите во океаните и атмосферата, минатата недела соопшти дека Ел Нињо се формира и ќе ја замени Ла Ниња, неговата поладна „сестра“.

Политико наведува дека Ел Нињо може да предизвика поплави, циклони, суши и шумски пожари, но и дека во следните три до пет години (толку обично трае Ел Нињо) ќе паднат рекорди за највисоки температури на воздухот на Земјата. Светската метеоролошка организација минатата недела предупреди дека годишните глобални просечни температури меѓу 2023 и 2027 година веројатно ќе гонадмине зголемувањето од еден и пол процент во однос на прединдустриските нивоа барем еднаш.

Карло Буонтемпо, раководител на европската вселенска програма Коперник, систем за глобален мониторинг и безбедност на животната средина, рече дека овие податоци се алармантни бидејќи периодот од 2015 до 2023 година, и покрај тоа што Земјата била ладена од Ла Ниња во последните три години, бил најтопол досега.

Ел Нињо најлошо ќе ги погоди регионите до Тихиот Океан – западните делови на Северна и Јужна Америка, Јапонија, Австралија и Нов Зеланд. Последниот Ел Нињо, кој беше активен од 2014 до 2016 година, доведе до појава на разорни урагани во Северниот Тихи Океан, недостиг на вода на Карибите и суша во Етиопија. Во тој период Австралија беше погодена од топлотни бранови и големи пожари, а Перу беше погодена од големи поплави и ерозија на крајбрежјето. Ел Нињо може да го намали ризикот од урагани во Атлантскиот Океан.

Што се однесува до Европа, таа нема да ги доживее најопасните последици од Ел Нињо. Сепак, тоа не значи дека тие ќе ги избегнат климатските промени, особено ако овој Ел Нињо е еден од најсилните. Генерално, ако глобалните температури се зголемат, зимските дождови ќе зачестат на југот на Европа, а зимите на северот на континентот ќе станат постудени и посуви.

Земјите кои го доживуваат најлошото од она што го носи Ел Нињо најчесто доживуваат пад на земјоделското производство. Ел Нињо може да доведе до намалување на количината на риби во Тихиот Океан. Организацијата за храна и земјоделство на Обединетите нации (ФАО) предупреди дека несигурноста на храната ќе биде акутен феномен во јужна Африка, Централна Америка, Карибите и делови од Азија. ФАО соопшти дека може да има и пад на производството на житни култури.

Ел Нињо може да биде поскап отколку што се мислеше. Научниците од Дартмут, Кристофер Калахан и Џастин Менкин рекоа дека Ел Нињо ќе ја чини глобалната економија во просек околу 3,4 трилиони долари. Топлата фаза на Ел Нињо помеѓу 1997 и 1998 година чинеше 5,7 трилиони долари. Калахан и Манкин велат дека влијанието на Ел Нињо може да се почувствува во следните 14 години.

Share on Facebook

Tweet

Follow us

Save