Обрадор Лопез одби да го уапси Путин на инаугурацијата на новиот претседател во октомври

Мексиканскиот претседател во заминување Андрес Мануел Лопез Обрадор денеска го отфрли барањето на Украина да го уапси рускиот претседател Владимир Путин доколку ја игнорира меѓународната потерница и присуствува на инаугурацијата на новоизбраната претседателка Клаудија Шајнбаум во октомври.

-Не можеме да го направиме тоа. Не зависи од нас, изјави Лопез Обрадор на новинарите.

Украина побара од Мексико да го уапси Путин доколку присуствува на церемонијата на положување заклетва на Шајнбаум на 1 октомври.

Тоа барање, во соопштението на украинската мексиканска амбасада на 7 август, се однесува на налогот за апсење издадено од Меѓународниот кривичен суд.

-Се надеваме дека мексиканската влада е свесна дека Владимир Путин е воен злосторник со налог за апсење против него, се вели во соопштението на украинската амбасада.

Share on Facebook

Tweet

Follow us

Save