INFOMAX.MK

Храната што често ја јадеме во голема мера влијае на целокупната состојба на телото

Клиничкиот невропсихијатар д-р Даниел Амен објави книга во која објасни како храната влијае на расположението, а особено ја подвлече храната поради која се чувствуваме лошо.

„Овие намирници ги нарекувам „тажна храна“, бидејќи предизвикуваат лошо расположение кај нас, ја зголемуваат напнатоста и ни го намалуваат нивото на енергија“, вели д-р Амен. Како пример ја спомена неговата омилена брза храна, пицата. Сите ја сакаат пицата, брзо се подготвува, евтина е и не заситува, а колку е вкусна никој не може да оспори.

Но, ваквата храна брзо ви дава енергија, за потоа да ве „замори“. Кога станува збор за замрзнатата пица, научните инженери работеа на неа за да направат вкусот да ги запали центрите за задоволство и да ослободи супстанции кои предизвикуваат чувство на радост.

„Поради тоа стануваме зависни од брзата храна, но таа е полна со нездрави состојки кои подоцна влијаат на нашето здравје. Не се работи само за физичката состојба на организмот, туку и за психичката“, рече тој.

Во својата книга, д-р Амен ја нарекува типичната американска исхрана „тажна диета“ (САД – стандардна американска диета).

„Содржи супстанции кои имаат лошо влијание врз менталната, емоционалната и физичката благосостојба. Оваа диета го зголемува ризикот од деменција, висок крвен притисок, срцеви заболувања, рак, анксиозни нарушувања и други здравствени проблеми“, вели невропсихијатарот кој ја истражува врската помеѓу храната и состојбата на организмот цели 30 години.

Ова се видовите на храна кои предизвикуваат замор, стрес, па дури и вознемиреност и чувство на безнадежност, доколку ги јадеме секој ден:

Преработена храна

Храна полна со пестициди

Храна која предизвикува „скок“ на шеќерот во крвта

Храна со малко количество на влакна

Вештачки бои и засладувачи

Храна полна со хормони

Храна од животинско потекло третирана со антибиотици

Храна која „пристигнува“ во пластична амбалажа

Извор: stil.kurir.rs