Ова не е мешање во внатрешни работи? Бугарите во Македонија бараат реакција од Бугарија за “репресија врз нив”

Бугарите во Македонија инсистираа на соодветна реакција од Бугарија против честите репресии врз нив и нивните семејства, пренесуваат бугарските медиуми.

Во Комисијата за политики за Бугарите во странство беа сослушани претставниците на центрите за култура „Цар Борис Трети“ во Охрид, „Иван Михаилов“ во Битола и Здружението „Југ“ во Прилеп. Зборувале за притисокот под кој се во Република Македонија и побарале заштита од Бугарија, информира „Дарик“.

Од своја страна, претседателот на Комисијата за политики за Бугарите во странство, Костадин Костадинов, изјави дека подготвил писмо до премиерот Галаб Донев и прецизираше дека и тој ќе побара средба со него.

Претседателот на Здружението „Цар Борис Трети“ во Охрид, Томе Блажески, првпат јавно проговори за притисоците и заканите кои ги добивал по отворањето на тамошниот бугарски клуб.

Блажески прокоментира дека за ниту еден од нападите на клубот се уште не е уапсен.

Благои Шаторов од Центарот за култура „Иван Михаилов“ од Битола додаде дека се што е различно од македонското е проблем, велат Бугарите.

Share on Facebook

Tweet

Follow us

Save