Огромна трагедија: Сид Вајхер, 7-годишен мотоциклист загина откако паднал од неговиот мотор
Надежниот мотоциклист Сид Вајхер почина на само 7-годишна возраст на 22 декември по несреќа со неговиот мотор за време на тренинг во неговата родна Холандија.
Од падот детето се здобило со повеќе повреди на главата и веднаш било пренесено во болница. Таму тој беше подложен на неколку операции, но и покрај тоа, неговата состојба остана сериозна и не се подобри.
За жал, Вајхер почина минатата недела, објавија неговите родители на социјалните мрежи.
Сид се бориеше како лав. И ние до последен момент се боревме покрај него со се што имавме. Лекарите и медицинските сестри направија се што можеа, напишаа неговите ужалени родители во објава на Инстаграм.
