Од 19 часот прекин на сообраќајот на Евзони – Богородица поради блокади на грчките земјоделци

Сообраќајот на граничниот премин Евзони – Богородица од 19 часот е во прекин за сите типови возила, поради блокади од страна на грчките земјоделци, соопшти АМСМ.

Сообраќајот на државните патишта во државава се одвива непречено, по претежно суви коловози.

АМСМ потсетува дека од 15 ноември започнала законската обврска за задолжително поседување зимска опрема во возилата, без оглед на моменталната временска состојба, која ќе трае до 15 март 2026 година.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Share on Facebook

Tweet

Follow us

Save