Орбан: Убеден сум дека давање на Украина 50 милијарди евра од буџетот на ЕУ во текот на пет години… е лоша одлука

„Убеден сум дека давање на Украина 50 милијарди евра од буџетот на ЕУ во текот на пет години… е лоша одлука“, рече Орбан на прес-конференција.

Сите земји-членки на ЕУ, освен Унгарија, минатата недела се согласија да отворат пристапни преговори со Украина и покрај руската инвазија, донесувајќи ја одлуката додека Орбан накратко ја напушти салата на самитот. Орбан потврди дека германскиот канцелар Олаф Шолц предложил такво решение.

Но, европските лидери не можеа да го надминат отпорот на Орбан при ревидирањето на буџетот на ЕУ за да се одвојат 50 милијарди евра за Киев и да се обезбедат повеќе пари за други задачи како што е управувањето со миграцијата. За ова прашање треба повторно да се разговара на вонредниот самит на 1 февруари.

„Тие сакаат да и дадат пари на Украина од буџетот на ЕУ, Унгарија сака да ги даде надвор од буџетот на ЕУ. Тие имаат опција – ако не се согласиме – да го решат тоа надвор од буџетот, но немаат опција да го решат од буџетот на ЕУ без унгарска согласност“, рече Орбан.

„Имаат можност 26 земји членки да го решат тоа со заеднички заем надвор од буџетот“, додаде тој.

Share on Facebook

Tweet

Follow us

Save