Орбан: Уште пет дена, стискам палци за Трамп

Унгарскиот премиер Виктор Орбан му посака среќа на републиканскиот кандидат Доналд Трамп на претседателските избори во САД.

„Му посакав среќа“, напиша Орбан на социјалната мрежа Х по телефонскиот разговор со Трамп.

Претседателските избори во САД се во вторник на 5 ноември. Анкетите и даваат мала предност на Камала Харис, додека обложувалниците го фаворизираат Трамп.

„Уште пет дена. Стискам палци“, додаде унгарскиот премиер во објавата на X.

Виктор Орбан е еден од најгласните поддржувачи на Трамп во Европа.

Share on Facebook

Tweet

Follow us

Save