Османи се сретна со новиот амбасадор на Турција во Македонија, Фатих Улусој
Министерот за надворешни работи на Република Македонија, Бујар Османи, денеска, ги прими, копиите на акредитивните писма на новоименуваниот амбасадор на Република Турција во Република Македонија, Фатих Улусој.
Во таа пригода, министерот Османи изрази задоволство од одличните билатерални односи и плодната соработка кои се во духот на традиционално пријателство и партнерство меѓу двете земји.
Двајцата соговорници оценија дека меѓусебната соработка во континуитет се продлабочува и зајакнува во повеќе различни области од заеднички интерес, при што посебни резултати се остваруваат во економската и трговска размена, туризмот, образованието, културата и одбраната.
Посакувајќи му успешна дипломатска мисија на амбасадорот Улусој во Република Македонија, министерот Османи изрази подготвеност за активна и отворена соработка во насока на реализација на заедничките цели од Стратегијата за зајакнување на билатералните односи, потпишана во 2008 година, меѓу двете земји.
ПОВРЗАНИ ВЕСТИ
Путин ќе ги смирува Туpција и Сиpија:…
Организирањето на средба меѓу претседателите на Турција…
Најмалку 11 загинати во тешка автобуска несреќа…
Единаесет лица загинаа, а 24 се повредени…
Три лица од Турција нападнати кај кањонот…
– Вчера во 18:30 часот во СВР…
САД ѝ се заканија на Турција со…
Помошникот на шефот на американското Министерство за…
Турција го блокира Инстаграм
Овој потег уследи по коментарите на турскиот…