Охридската ривиера руши рекорди, станбениот квадрат стигна до 4.000 евра, 30 отсто купуваат странци

Цената на новоизградените станови и станбените објекти во градба долж крајбрежјето и во центарот на Охрид достигна рекордни 4.000 евра за метар квадратен. Во новоградбите во централното градско подрачје, како најатрактивни локации, метар квадратен станбен простор моментално може да се купи и по цена од 1.500 до 3.000 евра, информира порталот Сакам да кажам. Во останатите делови на Охрид, како Охридати, Билјанини Извори, Бејбунар, кај меѓуградската автобуска станица, урбаните заедници Лескајца, Воска и 7 Ноември, цените се нешто пониски и се движат од 1.200 до 1.500 евра за метар квадратен станбена површина.
Становите кои се продаваат во постарите објекти, зависно од локацијата и нивната состојбата во која се наоѓаат, можат да се најдат од 1.000 евра па нагоре.
Според искуството и анализите на Агенциите за недвижности, побарувачката на станови во Охрид далеку ја надминува понудата, што секако се рефлектира на пораст на цените.
-Цената на метар квадратен станбен простор во централното градско подрачје на Охрид се движи од 1.000 до 4.000 евра во новоизградените објекти и зградите во градба. Најчесто, вакви станови се градат и нудат на Кеј Македонија, или во непосредна близина на езерското шеталиште во Охрид, и во популарните туристички населби на охридската ривиера, Свети Стефан, Лагадин, Елешец и Пештани – вели Наташа Спасеска, сопственичка на Агенцијата за недвижности „Капитал“ од Охрид. Спасеска вели дека од 2020 година до денес цената по метар квадратен е зголемена двојно, но и покрај тоа атрактивноста на Охрид ја зголемува побарувачката за купување недвижнини покрај езерото и во градот чии природни убавини се заштитени од УНЕСКО.
„Според нашите проценки, врз основа на анализа и споредба на понудата и продажбата во изминатите години, во споредба со 2020 година на пандемиската криза, сега цените на становите во Охрид се покачени за околу 100 отсто, или се двојно повисоки – додава Спасеска.
Најголем интерес има за становите кои имаат помала квадратура, а купениот имот најчесто се користи за одмор, туристички престој, но и за семејно домување во пензионерските денови.
Според статистичките податоци на агенцијата „Капитал“, во текот на 2024 година, од вкупниот број купувачи на станови над 30 проценти биле странски државјани, исто толку имало купувачи од Охрид, 20 проценти биле од Скопје и останатите градови во Македонија и 20 проценти од македонската дијаспора во другите земји.
За куќите и недвижностите во стариот дел на Охрид и понатака најзаинтересирани се странците, кои за куќа или апартман во старото охридско јадро плаќаат цена од 2.000 до 3.000 евра за метар квадратен, зависно од атрактивноста на локацијата, погледот и визурите, пристапот кон локацијата, состојбата на недвижноста.
ПОВРЗАНИ ВЕСТИ
Кривична пријава против шест лица од Охрид…
СВР Охрид поднел кривична пријава против В.А.(53)…
Охридските средношколци утре ќе им оддадат почит…
Учениците од четирите охридски средни училишта утре…
Охридската ривиера руши рекорди, станбениот квадрат стигна…
Цената на новоизградените станови и станбените објекти…
Вработена тепала колешка во болницата во Охрид
На 24.01.2025 во 13:25 часот во СВР…
Повеќе од 800 деца најавија учество на…
Децата низ улиците на градот ќе ја…