Патрушев: Русија треба да го спаси светот од лудилото што го пропагира Западот

Русија има важна и неопходна улога – да го спаси светот од лудилото што го пропагира Западот, во тоа ќе биде поддржана од пријателски и неутрални земји, како и народите на западните земји, изјави секретарот на Советот за безбедност на Русија, Николај Патрушев.

-„Човештвото, кое достигна високо ниво на економски и технолошки развој, се соочува со предизвикот да ги загуби моралните насоки и стабилните морални принципи“, рече Патрушев, говорејќи во Магадан на собирот за безбедноста на Далечниот источен федерален округ.
Според него, „Русија има важна и неопходна улога – да го спаси светот од лудилото што го промовира Западот“.

-„Сигурно ќе бидеме поддржани од пријателски и неутрални земји, како и од народите на западните земји, но не и од нивните политичари, кои имаат сосема спротивни задачи“, додаде секретарот на Советот за безбедност на Русија.
Патрушев смета дека Руската Федерација „цврсто и доследно го брани својот културен суверенитет, историја и руски морални идеали кои ја обединуваат мултинационалната земја“.
„Зајакнувањето на традиционалните руски духовни и морални вредности, зачувувањето на културното и историското наследство на рускиот народ во согласност со националната безбедносна стратегија на Руската Федерација е еден од клучните стратешки национални приоритети, чија имплементација треба да ја обезбедат јавните власти во соработка со граѓанските институции“, рече тој.секретар на Советот за безбедност.

Share on Facebook

Tweet

Follow us

Save