Петровска: Јасна беше пораката на претседателката на ЕК Фон дер Лајен што Македонија треба да направи за пристапување кон Европската Унија

Јасна беше пораката на претседателката Фон Дер Лајен за тоа што Република Македонија треба да направи за пристапувањето кон Европската Унија, порача на денешната прес-конференција Славјанка Петровска, пратеничка на СДСМ.

dobivaj vesti na viber
„Република Макеоднија има шанса да ги започне преговорите, да ги отвори поглавјата и да го забрза патот кон пристапување на Европската унија. Јас очекувам дека во извештајот и во она што комисијата ќе го презентира ќе биде дадена насока на она што е реалноста и покрај тоа што ќе следуваат изјави дека сите ние имаме заложба да направиме нешто. И навистина е важно да направиме важен исчекор во пристапувањето кон Европската Унија. И по посетата на претседателката на комисијата Фон дер Лајен, јасно беше што Македонија треба да направи во тој процес“, рече Петровска.

Пратеничката на СДСМ додаде и дека минаа првите 100 дена власт, но неспособноста на новата Влада нема крај.

„Напротив, секој ден сме сведоци на скандали, потреси и лаги. Државата никогаш не им била важна, само власта“, посочи Петровска.

Претседателката на ЕК, Урсула фон дер Лајен, на заедничката прес-конференција со премиерот Христијан Мицкоски претходно посочи дека има јасна цел, а тоа е да се отвори кластерот фундаментални вредности што е можно побргу.

„Речиси сме таму, треба да поминат уставните промени, кои вашата држава се согласи дека ќе ги направи, и со заеднички дијалог се надевам дека сите политички сили ќе се здружат во земјата и ќе ги преземат потребните одлучни чекори за напредок и уверена сум дека можеме да ги надминеме пречките што постојат,“ рече таа.

Го увери премиерот дека проширувањето ќе остане врвен приоритет за ЕК во следните пет години.

Share on Facebook

Tweet

Follow us

Save