Пожарите беснеат во Грција, евакуирани илјадници луѓе

Пожарите се разгоруваат на повеќе локации во Грција, а веќе неколку денови се закануваат и на села и градови во близина на западниот град Патра и на два острови, Хиос и Закинтос. Досега изгореа куќи, фарми и фабрики и доведоа до евакуација на илјадници жители и туристи.

Десетици луѓе се однесени во болница поради вдишување чад, објави јавниот радиодифузен сервис ЕРТ, а 13 пожарникари се згрижени заради изгореници и други повреди, изјави портпаролот на противпожарната бригада Василис Ватракогијанис.

Речиси 5.000 пожарникари потпомогнати од 33 авиони беа распоредени од зори за да ги контролираат пламените јазици поттикнати од ветровите и топлите, суви услови во близина на Патра, на туристичките острови Хиос и Закинтос и во најмалку три места во внатрешноста.

Властите им наредија на жителите на град со околу 7.700 жители во близина на Патра да се евакуираат и издадоа нови предупредувања, советувајќи ги жителите на две блиски села да ги напуштат своите домови.

На островот Хиос, крајбрежната стража користеше чамци за да ги однесе луѓето на безбедно место, бидејќи пламените јазици стигнаа до бреговите.

Share on Facebook

Tweet

Follow us

Save