Полицаец пронашол камена гробница од античко време на плажа во Бугарија
![t](https://infomax.mk/wp-content/uploads/2024/07/896-504-sarkofag.jpg)
Саркофаг (камена гробница) од античко римско време е случајно откриен на плажа во близина на одморалиштето Свети Константин и Елена во Варна, соопшти бугарското МВР.
Поранешен полицаец го забележал саркофагот во близина на новоизградениот, но сè уште нефункционален комплекс и го пријавил во Петтиот регионален оддел – Варна, пренесува „Новините“.
Увид на локалитетот извршија стручни лица од Археолошкиот музеј и претставник од Главната управа на „Инспекцијата за заштита на културното наследство“ при Министерството за култура. Заклучиле дека саркофагот потекнува од римската ера, поточно од II-III век од нашата ера, со богата релјефна декорација.
![](https://infomax.mk/wp-content/uploads/2024/07/image-110.png)
Димензиите на саркофагот се приближно 90х235х75 см, а декорацијата е украсена со венци, животински глави, розети, лабрис (секира со две сечила) и други слики.
Тешкиот артефакт е пренесен во Археолошкиот музеј во Варна за дополнително испитување.
Министерството за внатрешни работи на Бугарија не соопштува дополнителни детали како саркофагот завршил на плажата. Случајот е пријавен во Окружното обвинителство во Варна, а истрагата е во тек.
Според бугарскиот весник „24 сата“, саркофагот можеби бил наменет за употреба како маса, бидејќи бил пронајден со модерен мермерен капак со три ниши.
ПОВРЗАНИ ВЕСТИ
Земјотрес во Бугарија
Слаб земјотрес со јачина од 2,3 степени…
Се крчкаат нови предвремени избори во Бугарија
Бугарската партија „Има таков народ“ (ИТН) утре…
Македонија ја прегази Бугарија за финале на…
Македонската кошарка има нови јунаци! Јуниорската репрезентација на Македонија на…
Гром удри на плажа во Италија, најмалку…
Најмалку три лица се повредени денеска, од…
МНР: Очекуваме Бугарија да ги преземе сите…
Република Северна Македонија е силно посветена на…